Liwat nga nakabaton sang unmodified opinion gikan sa Commission on Audit (COA) ang Office of the Vice President (OVP) para sa Calendar Year 2024, nga amo ang ikatatlo nga asud-asod nga tuig nga ginkilala ang ahensya sa idalom sang liderato ni Vice President Sara Z. Duterte para sa maayo sini nga pagdumala sa pondo sang pumuluyo.
Base sa 2024 Annual Audit Report ng COA, ginkumpirma sang mga state auditor nga ang financial statements sang OVP ang nagasanto, masaligan, kag sandig sa naga-exist nga mga layi, regulasyon, kag gintalan nga accounting standards.
Suno sa report, naglab-ot sa 85.55% ang utilization rate sang OVP sa idalom sang 2024 General Appropriations Act (GAA), nga indikasyon suno diri sang maayo nga fiscal management sa pihak sang ginpalapad nga operasyon kag nagadako nga kinahanglanon sa serbisyo publiko.
Ang unmodified ukon unqualified opinion nagakahulugan nga ang financial reports ang nakabase sa guidelines sang International Public Sector Accounting Standards (IPSASs) kag International Standards of Supreme Audit Institutions (ISSAIs).
Ginakabig ini nga pamatuod sang padayon nga pagsunod sang OVP sa mga prinsipyo sang transparency, accountability, kag mahalong nga paggamit sang pondo sang pumuluyo — mga basehan nga ginahatagan-pagtamod sang mga state auditor para sa maayo nga pagdumala.
