Sa pagsako nga masabat ang pagkuwestyon sang Commission on Audit (COA) sa paggastos sang P23.8 milyon nag confidential fund sang Office of the Vice President (OVP), ginapahayag nga nagsobra ang kuwestyunable kag makatilingala nga resibo nga ginsumite agud hatagan sang klaruhan ang ginhimo nga paggastos.
Mahibaluan nga ginsumite sang OVP ang 158 AR.
Gin-ako sang nagtindog sang COA sa pagsinapol nga si Gloria Camora nga may yara sang “inadvertence and typographical mistakes” nga nahimo ang mga katapo sang OVP base sa mga ginsumite sini nga pamatuod nga paggastos.
Wala naman nakontento si Gutierrez sa nakuha nga sabat kag ginpunto ang “red flag” sang COA sa mga AR kag ginsiling sini nga “spurious and bogus.”
Gintumod man sini nga ang isa ka AR nga may petsa Nobyembre 2022, ang P125 milyon nga confidential fund ang naguha sadtong Disyembre 2022.
Ang nasambit nga pondo ang gingastos sa sulod lamang sang 11-diyas sa nasambit man nga tuig.
Ginkuwestyon man ang palarehas nga mga penmanship kag duag sang ballpen nga gingamit sa AR subong man ang pila ka mga signatories kaangay sang “AAS” kag “JOV” nga nakakuha sang kabug-usan nga P280,000 kag P920,000 bilang bayad sa ginbakal nga impormasyon sang OVP sadtong Disyembre 2022.
Si AAR ang nakabaton sang P60,000 sadtong Disyembre 2022, P150,000 sadtong Pebrero 2023 kag P70,000 naman sa ikatatlo nga quarter sa kaparehas nga tuig.
Si JOV naman nakabaton sang P170,000 bilang “reward payment,” P250,000 para sa “supplies” kag P500,000 para sa “medical and food aid.”
Sa 776 AR nga ginsumite, 302 ang indi mabasa ang pangalan kag lima ang nasulit ang pangalan nga nagamit.
Bangud sini, ginpamangkot ni House Quad Comm senior Vice Chairman Romeo Acop sang ika-duha nga distrito sang Antipolo City si Camora, nga siya ang head ngintelligence and confidential funds audit office (ICFAO) sang COA, kung nadiparahan sini ang pangalan nga Mary Grace Piattos sa isa ka AR.
Pahayag ni Acop nga ang Mary Grace, kapangalan ang isa ka restaurant kag ang “Piattos” naman kapangalan sang isa ka brand nga potato chips.
