Sa pagpadayon sang direct examination examination, ginbasa sang Commission on Audit Intelligence and Confidential Funds Audit Office Roderick Wamil ang pila ka bahin sang memorandum may kaangtanan sa audit sang Office of the Vice President (OVP).
Suno sa dokumento, P82 million ang ginpain para sa medical kag food aid lakip na ang P42 million sa tunga-tunga sang Pebrero 6 tubtob Marso 9, 2023, kag P40 million para sa Abril 25 tubtob Hunyo 30, 2023.
Maluwas diri, tag P10 million ang ginpain para sa pagbayad sang incentives ukon travelling-related expenses sa duha ka periods.
Apang, ginpahayag ni Wamil nga napaslawan ang OVP sa pagsumiter sang mga resibo kag iban pa nga may kaangtanan nga mga dokumento nga magapamatuod nga ang kuwarta gingasto sang husto
