ROXAS CITY, CAPIZ- Pormal na nga ginlunsyar sa probinsya sang Capiz ang P20 kada kilo nga bugas sa idalom sang “Benteng Bigas Meron Na” ukon BBM Rice Program nga kabahin sang kampanya ni Presidente Ferdinand R. Marcos Jr. para sa food security, accessibility kag affordability.
Sa interview sang Bombo Radyo Roxas kay Engr. Michael Gison, Provincial Head sang DOLE Capiz Field Office, iya ginpahayag nga tinutuyo sang nasambit nag programa nga buligan ang mga kalakip sa vulnerable sectors kaangay sang mga minimum wage earners, low-income families, senior citizens, solo parents, kag mga persons with disabilities (PWDs).
Bilang pamatuod nga luwas kaunon kag may kalidad ang BBM rice, gintig-ang ini sa mismo nga adlaw sang paglunsyar agud ipakita sa publiko ang kalidad kag kalimpyo sini.
Suno pa kay Gison, plano sang gobyerno nga dugangan pa ang pondo para sa programa sa mga masunod nga tuig agud mas mapatigayon ang handom ni Presidente Marcos nga himuon nga mas abot-kaya kag mas accessible ang nagapanguna nga pagkaon sang mga Pilipino.
Samtang, gihatagan sini sang pagtamod ang mga importante nga papel sang mga local government units (LGUs) sa pagpatuman, pagpapalapad, kag pagpadayon sang programa agud nga mas madamo pa nga mga Pilipino ang makabenepisyo diri.
With a report from Bombo Sunnie Mae Batencila
