Nagpatuman sang rollback sa presyo sang Liquefied Petroleum Gas (LPG) ukon cooking gas ang mga LPG company sang Biyernes sang aga.
Magalab-ot sa P3 kada kilo ang ginbuhin sa presyo, nga kabaylo sang P33 nga iban sa kada 11-kilogram nga tangke.
Suno kay LPG Marketers’ Association (LPGMA) President Arnel Ty, ang pagnubo sang presyo sang LPG ang ginhalinan sang mas barato nga shipping kag transport costs.
Gindugang pa sini, nga posible nga masundan pa ini sang dugang nga rollback depende sa paghulag sang presyo sang langis sa merkado.
Samtang, ginpahanumdom nga ginpirmahan ni Pangulong Ferdinand Marcos Jr. ang isa ka executive order nga nagasuspender sang excise tax sa LPG kag kerosene sa sulod sang tatlo ka bulan bilang kabahin sang tikang sang gobyerno agud maibanan ang epekto sang krisis sa langis.
