Napuno na sang mga hilamon ang flood control project nga ginsuguran apang wala natapos sa Brgy. Salocon, Panitan Capiz.
Sa interview sang Bombo Radyo kay Punong Barangay Policarpio Francisco, iya ginpahayag nga nag-umpisa ang pagka-ayo sang flood control project sang May 13,2024 kag natalana kun tani nga matapos sang February 16, 2025.
Suno kay Francisco, amo nga project ang nagabalor sang masobra P68million apang tubtob subong wala pa ini natapos sa natalana nga completion date.
Ginpahayag man sini nga may yara sang mga kagamitan sang lugar apang daw kaangay nga gin-abandonar ini bangud wala na magamit.
Dugang pa sang natungdan sa tion sang tig-ululan, tuman nga apektado ang lima ka panimalay nga yara sa higad sang amo nga proyekto.
Nagapanawagan naman ang natungdan sa Department of Public Works and Highways (DPWH) nga magapadayon ang pagkaayo sang flood control project sa lugar agud makabenipisyo ang mga pumuluyo.
