DUMARAO, CAPIZ- Preparado na ang Local Government Unit sang Dumarao, para sa palaabuton sini nga Padagyaw Festival 2025 nga magaumpisa sa Hulyo 27 kag magatakop sa Agosto 5.
Sa interview sang Bombo Radyo kay Atty. Mateo Hachuela, alkalde sang Dumarao, iya ginpahayag nga ang nasambit nga kahiwatan ang makabig nga isa ka bugal sang mga pumuluyo sang Dumarao bangud ini nga ang nagapakita sang pagbinuligay, kooperasyon kag paghiliusa sang tagsa-tagsa.
Dugang pa sini, pagalauman sang tanan nga mas malipayon pa ang ila masaksihan kag ma-ekperyensyahan subong nga tuig bangud madugay ini nga ginpreparahan sang bug-os nga katapo sang opisyal sang banwa.
Pila sa mga aktibidades nga bantayan sang tanan amo ang Cultural Show, Kustombre kag Tradisyon sang Dumaraonon, mga dinapit nga bisita, Fireworks Display, kag madamo pa.
Samtang, sa pihak sang madamo nga mga aktibidad nga nakapanglinyada, ginasiguro man sang banwa sa mga magatambong ang seguridad, kalinong kag katawhay sang tanan pamaagi sa pagdeploy sang mga otoridad sa palibot.
Pangabay naman sang alkalde sa publiko amo ang suporta,bulig kag partisipasyon sa amo nga kahiwatan agud mga mas masinadyahon kag madinuagon ang amo nga selebrasyon.
Interviewed by Bombo Francis Biñas
