Padre de pamilya, patay sa pagpangluthang sa atubang sang ila nga balay

JAEN, NUEVA ECIJA – Patay ang isa ka padre de pamilya matapos ginluthang sa atubang sang ila nga puluy-an sa Barangay Sapang, Jaen, Nueva Ecija.

Ginkilala ang biktima nga si Ted Veneracion.

Sandig sa isa ka report, makit-an sa Closed Circuit Television ang pagpanilag sang isa ka rider sa lugar antes natabo ang pagpangluthang, samtang ang isa pa ka lalaki, nag-angkas sa motorsiklo kag madasig nga nagpalagyo matapos nakumiter ang nasambit nga insidente.

Gilayon nga nagresponde ang barangay kag mga kapulisan apang dead on the spot ang biktima.

Nagapadayon sa subong ang backtracking sang mga kapulisan agud matumod ang mga suspek kag ang motibo sa krimen, samtang nagapanawagan sang hustisya ang pamilya sang biktima.