ROXAS CITY – Nagsugod na ang pagbaton sang renewal sang mga business permits sa syudad sang Roxas tubtob Enero 20, 2021.
Ini ang ginpahayag ni Ms. Roselyn Estrebilla, ang Business Permits and City Licensing Officer sang mainterview sang Bombo Radyo Roxas.
Ginpahayag sini nga ginapatuman sa gihapon sang talatapan ang mga minimum health protocols kapareho sang pagsuksok sang facemask/faceshield kag pag-obserbar sang social/physical distancing bangud madamo man ang nagapadulong agud magproseso sang ila business renewal permits.
Kalakip sa mga kinahanglanon para sa pagproseso sang business permits renewal amo ang mga masunod:
-Brgy. Clearance (for Business)
-Zoning Clearance (CPDO)
-Sanitary Permit (CHO)
-Certificate of Annual Inspection (CEO)
-Fire Safety Inspection Certificate (BFP)
–Sworn Declaration of Gross Receipts (previous year)
-Cedula (Community Tax certificate)
-SSS, PhilHealth kag Pag-ibig clearances
Suno kay Estrebilla nga mas ginpahapos na subong ang pagproseso sang business renewal permits.
Ginpahayag sini nga isa tubtob duha lamang ka beses mahimo makapadulong sa opisina ang isa ka persona para sa pagproseso.
Una diri amo ang paghikot sang mga rekisitos kag ikaduha amo ang pagkuha na sang ginpa-renew nga business permits.
Nagpahanumdum man ini sa mga negosyante nga mag-amat-amat na nga magpadulong sa nasambit nga talatapan agud mag-renew sang business permits kag indi na paghulaton ang Enero 20 agud malikawan ang anuman nga problema.
ERICKA
Tuman na lamang ang kalipay sang 1st daily winner kahapon nga adlaw sang Lunes matapos nalawagan bilang tagdaug sang ”ONE TWO PANALO PART 19 Promo sang Bombo Radyo kag Star FM, Araw-Araw Balde-Baldeng Papremyo May Cash pa!! Malipayon nga ginbaton ni Eva Odicta, 65 anyos sang Barangay Majanlud, Sapian, Capiz naggamit sang proof of purchase nga Silver Swan Sukang Puti kag Wow Sarap Seasoning.//
Ikaduha naman nga tagdaug kahapon amo si Jocelyn Plamer, 54 anyos sang Barangay Bagacay, Panay naggamit sang proof of purchase nga Silver Swan Cane Vinegar & Wow Sarap Seasoning.//
Gilayon naman nga nabaton sang mga tagdaug ang ila premyo nga P500 nga cash kag P500 nga balor sang gift pack magluwas lamang sa 3rd daily winner nga si Ernesto Villasoto, 76 anyos sang Barangay Ilaya, Ivisan, Capiz kag naggamit sang Silver Swan Sukang Puti kag Wow Sarap Seasoning.//
Mahibaluan nga kapin P5 million pesos nga total prizes nationwide nga igapanagtag sang Bombo Radyo Philippines.//
Isa ang magadaug sang P1 million nga cash bilang Grand Prize Winner sa Grand Draw kag may apat ka winners sang P50,000 sa kada area sa Luzon, Visayas, Mindanao kag NCR. May yara man sang guaranteed prizes sa kada istasyon sang Bombo Radyo… 1st prize P15,000; 2nd prize P10,000 kag 3rd prize P5,000.//END
