ROXAS CITY – Wala sang klaro nga sabat nga ginhatag ang pamunuan sang isa ka mall nga venue kun tani sang concert sang isa ka singer nga si Juan Karlos Labajo “JK”, matapos gulpi ini nga nagback out.
Ini ang ginpahayag ni Board Member Jose Fulgencio ‘Pepe’ Del Rosario sang mainterview sang Bombo Radyo.
Sun okay Board Member Pepe, nakig-angut sa ila ang isa ka mall kung sa diin luyag nga makig-partner sa ila agud mangin venue sang sang concert sang nasambit nga singer kung sa diin si Rep. Guinto ang magabayad bilang amot para sa selebrasyon sang probinsya.
Suno kay Board Member Pepe, kun matigayon ini nga konsyerto ginatan-ay ini nga libre sa tanan nga tumalan-aw agud makahatag sang kasadya.
Mahibaluan nga naglab-ot sa 2 tubtob 3 ka bulan ang ila preparasyon sa sini nga kahiwatan kag indi nangin madali ang tanan ilabi na sang gulpi na lamang ini nga nagback out sa ila ginkasugtanan.
Abril 12 suno kay Board Member Pepe sang nakabaton sila sang tawag nagikan sa mall kung sa diin ginapahayag nga magaback-out na sila kag wala man lang naghatag sang valid reason.
Bangud sini, tuman ang pagkadismaya nanday Rep. Guintu kag Board Member Pepe bangud indi madali ang magpangita sang ibulos nga mga sikat nga indibidwal kag masyado na ka suok sa oras.
Sa karun, padayon ang ila nga paghulat sang sabat sang amu nga mall sa hinali sini nga pagback out.
