ROXAS CITY -Ginatun-an sa karun ni City Councilor Midelo Ocampo nga magdihon sang isa ka ordinansa nga naga-require sang mga establisyemento nga magbutang sang Close Circuit Television ukon CCTV.
Ginpahayag ni Ocampo nga dako ang bulig sang mga cctv sa pagsolbar sang krimen sa siyudad kapareho sang natabo sa pagpatay kay Juniffer Borda kun sa diin daku ang nangin papel sang amo nga footages sa pagtumod sa mga suspek.
Aminado si Ocampo nga indi tanan nga establisyemento sa siyudad ang may yara sang CCTV.
Gindugang pa sang konsehal nga magalibot ini sa mga kabaranggayan agud mag-apelar sa mga barangay officials nga magpahamtang sang CCTV.
Usisaon man sini ang wala nagagana nga mga CCTV sa siyudad nga ginguba sang Bagyong Ursula.
Samtang nagalaum naman si Ocampo nga suportahan ni Roxas City Mayor Ronnie Dadivas ang ginaplano sini natuhoy sa CCTV.
