ROXAS CITY – May yara sang epekto sa Liberal Party ang paghalins ang lima ka mga kapartido nga kongresista sa PDP-Laban.
Sa interview sang Bombo Radyo Roxas kY Capiz 1st District Congressman Emmanuel Billones Sr., ginpahayag sini nga bisan paano may epekto ang ginhimo nga paghalin nanday Bataan Representative Geraldine Roman, Lanao del Sur Reprentative Ansarrudin Adiong, North Cotabato Reprentative Nancy Catamco, Quezon City 5th District Representative Alfred Vargas kag Quezon City 2nd District Reprentative Winnie Castelo sa partido, bangud mabuhinan ang ila numero sa kongreso.
Gin-athag ni Billones nga apisar miyembro sang LP ang nasambit nga mga kongresista, kabahin sila sa super majority sa kongreso.
Apang ginpasiguro ni Congressman Billones nga indi maapektuhan ang panindugan sang magnificent 7 sa pila ka mabug-at nga isyu kag indi sila maghalin sa partido ni President Rodrigo Duterte, bangud nagapati sila sa polisiya sang LP.
Suno kay Billones na-pressure lamang ang lima nila ka mga kaupdanan nga mga kongresista nga nagapati nga mahatagan sila sang madamo nga proyekto kun yara sila sa bahin sang administrasyon.
Samtang, ginalauman sang partido ang paghalin sang pila pa ka mga LP congressmen sa PDP-Laban sa masunod nga inadlaw.
