Paghigugma kag Pagsakripisyo, ang sentro sang Pasyon ni Kristo 2026 nga pagahiwaton sa President Roxas, Capiz.
Sa interview sang Bombo Radyo kay Vicente Descalzo, Director Consultant, sang Pasyon ni Kristo 2026, iya ginpahayag nga ang tinutuyo sang nasambit nga akitibad amo ang ipahayag ang mensahe sang Paghigugma ni Hesus Kristo rason sang iya pagsakripisyo sa pagtubos sang mga sala sang tawo paagi sa pagpalansang sa krus.
Suno sa kay Descalzo, 51 ka tuig na nga ginapatigayon ang Pasyon ni Kristo sa nasambit nga banwa nga nangin debosyon na sang mga pumuluyo ang mag-upod kag maglantaw sa kada tuig.
Pahayag pa niya, makabig man nga isa ka visual catechesis ang nasambit nga Pasyon para sa mga kabataan nga ginapakita ang mga inagyan kag kabuhi ni Jesus.
Gina-agda man sang natungdan ang tanan nga mag-upod kag magtambong sa Pasyon ni Kristo sa Miyerkules Santo, Abril 1, takna las 12 sang udto halin sa President Roxas Civic Center tubtob sa Boac Cemetery.
