Pagkakas sang mandatoryo nga pagsuksok sang facemask, maayo nga tikang bangud naga-improve na ang pagtapna sang COVID-19

ROXAS CITY – Maayo nga tikang kun maaprubahan ang pagkakas sang mandatoryo nga pagsuksok sang facemask sa publiko ukon bukas nga mga lugar bangud nakahulugan nga naga-improve na ang estado sa pagtapna sang makalamatay nga balatian nga COVID-19.

Sa pakig-angut sang Bombo Radyo kay Che-Che Villaruz, ginsiling sini nga pabor siya sa pagkakas sang facemask bangud makitaan na sang improvement sa amu nga balatian.

Apang, suno diri kinahanglan sa gihapon nga protektahan ang aton ikaayong lawas bangud ang balatian nga COVID-19 ang indi makit-an kag indi mahibaluan kun san-o ini maga-atake sa isa ka persona.

Ginpahayag sini nga, ipabilin ang pagsuksok sang facemask ilabi na sa ospital uko madamo sang tawo.

Ginsiling sini, nga maayo kun wala na sang facemask apang konsideraron sa gihapon ang lugar, kaangay na lamang sa mga ospital kag crowded places nga indi na mapatuman ang health protocols.

Suno diri, kinahanglan doble halong ang mga tawo ilabi na kun may yara sang mga kaupdanan sa balay nga may comorbidities.

Matandaan, nga ginarekomendar sang Inter-Agency TaskForce (IATF) nga i-lift na ang mandatoryo nga pagsuksok sang facemask sa pampubliko nga lugar.