Pagluya sang piso, posible nga makapataas sa presyo sang kuryente- DOE

Posible nga magtaas pa ang presyo sang kuryente bangud sa padayon nga pagluya sang piso batok sa dolyar.

Suno kay Energy Secretary Sharon Garin, mahimo nga maapektuhan ang presyo sang kuryente bangud may mga galastuhon nga nagadugang kon nagaluya ang balor sang piso.

Nahibaluan nga nag-lab-ot na sa ₱64.17 ang balor sang dolyar batok sa piso sa pagtapos sang trading sang Oktubre 27.

Ginpahayag ni Garin nga usisaon sang Department of Energy (DOE), upod ang Energy Regulatory Commission (ERC), kon ano ang mahimo agud mapahagan-hagan ang posible nga pagsaka sang balayran sa kuryente.

Magluwas sa kuryente, posible man nga magtaas ang presyo sang mga produktong petrolyo.