Nagapati ang pamilya sang isa ka 70-anyos nga lalaki nga wala sang foul play sa kamatayon sang ila himata nga nasapwan sa Sitio Sinandigan, Barangay Mianay, Sigma, Capiz.
Ang biktima amo si alyas nga Edi, residente sang nasambit nga lugar.
Sa interview sang Bombo Radyo kay Police Major Narciso V. Sables Jr., Chief of Police sang Sigma Municipal Police Station, iya ginpahayag nga nakabaton sang report ang ila talatapan angot sa nasambit nga insidente.
Suno kay Sables Jr., gilayon nga nagresponde ang mga kapulisan sa lugar agud usisaon ang natabo.
Base sa inisyal nga imbestigasyon, posible nga nalumos ang biktima bangud may yara sang tubig sa lugar kon sa diin ini nasapwan.
Suno naman sa pamilya, may ginasuprer nga hypertension ang biktima.
Samtang, ginapahanumdom ang publiko nga tutukan kag siguruhon ang seguridad sang ila mga myembro sang pamilya nga tigulang na agud malikawan ang amo nga insidente.
