Ginpasigurado ni Lanao del Sur Rep. Zia Alonto Adiong nga mahimo pa nga matadlong ang mga “redflags” sa ginaduso nga P7.2-trillion nga national budget para sa 2027 antes ini mangin kasuguan.
Suno kay Adiong, kinahanglan nga usisaon sang bicameral conference committee ukon bicam, nga ginalakipan sang mga representantive sang Kamara kag Senado, ang mga kinalain sa ila tagsa ka bersyon sang budget.
Lakip sa ila usisaon ang mga detalyi sang mga proyekto kag ang mga sala nga lokasyon kag koordinasyon.
Ginpahayag ni Adiong nga kinahanglan insakto ang mga detalye, lokasyon kag nagakoordinar sang mga proyekto nga yara sa National Expenditure Program (NEP), apang wala pa niya mapat-od kon ngaa may mga sala nga mga koordinasyon.
Sa subong, ginahulat pa ang bersyon sang Senado antes magsugod ang bicam sa pag-usisa sang mga kinalain kag pagtadlong sang mga posible nga sala ginaproponer nga P7.2-trillion nga national budget para sa 2027
