Wala sa guidelines sang Department of Social Welfare and Development (DSWD) nga dapat magpa-miyembro ang senior citizen sa asosasyon sa ila barangay para makasulod sa Social Pension Program sang gobyerno.
Sa interview sang Bombo Radyo kay Marianne Grace Tamonan ang Regional Social Pension Unit Head sang DSWD Region 6, suno diri indi basehan nga ma-qualify ang isa ka tigulang sa Social Pension kun miyembro ini ukon indi sang organisasyon sa barangay.
Suno kay Tamonan, ang ara sa guidelines dapat indigent ang senior, wala sang source of income, kag wala sang ginabaton nga pension sa gobyerno ukon pribado.
Dugang pa sini nga gina-cater sang mga ini ang mga tigulang nga nagakadto sa ila opisina nga kwalipikado sa social pension, gina-validate man sang DSWD sa ila lugar apisar indi miyembro sang asosasyon ang mga senior sa ila barangay.
Pagklaro ni Tamonan, yara sa ila ang desisyon kun makasulod sa amo nga programa ang senior kun matapos na nga ma-validate ini, kun kwalipikado ini ukon indi.
