Ginkonsidera sang National Security Council (NSC) bilang national security concern ang pagpamahug ni Vice President Sara Duterte sa kabuhi ni Presidente Ferdinand Marcos Jr. ini matapos ihambal ni VP Sara nga ipapatay niya si PBBM.
Ginpahayag ni National Security Adviser (NSA) Eduardo Año nga gina-imbestigaran nila ang natabu nga pagpamahug sa kabuhi sang Presidente sang Pilipinas kun sa diin pasabton nila ang nangin pahayag sang Bise Presidente.
Nakig-angut na ang NSC sa mga awtoridad kag intelligence agencies para imbestigaran ang mga nagahimu sang krimen kun ano nga klase sang pagpamahug kag motibo ang luyag sini batuk sa Presidente sang Pilipinas.
Ginganyat naman ni Año ang publiko nga mangin kalmado kag siguruhon sini nga himuon niya kaupod sang ila nga ahensya ang tanan para mapanabilin nga luwas ang kabuhi ni PBBM kun sa diin ginpamalakad sini ang Konstitusyon, mga institusyong demokratiko, kag ang chain of command sa tanan nga higayon.
