ROXAS CITY, CAPIZ- Ginpakigbahin sang isa ka nurse ang benepisyo kag importansya sang pagpanghugas sang kamot antes nga magsulod sa isa ka ospital.
Sa interview sang Bombo Radyo kay Ms. Mia Barruela, Nurse I/Infection Prevention and Control Nurse sang Mambusao District Hospital, iya ginpakigbahin nga ang pagpanghugas sang kamot ang indi lamang agud makapakuha sang higko, kundi isa man ini ka pamaagi agud malikawan ang nagakalain-lain nga mga Hospital Acquired Infections.
Suno kay Barruela, bangud nga madamo sang mga sakit sa sulod sang isa ka ospital, importante gid ini nga buhaton sang tagsa ka mga pasyente, bisita kag mga healthcare workers.
Pahayag nya, magluwas sa pagpanghugas sang kamot, importante man nga magsuksok sang face mask kag maggamit sang alcohol.
Nagpahanumdom naman ang natungdan nga ang pagpanghugas sang kamot, kinahanglan nga ugali-on gid sang tagsa-tagsa kag permi nga himuon, indi kay kun ara lang sa ospital agud nga masiguro nga makalikaw sa kun ano man nga sahi sang balatian.
Interviewed by Bombo Sunnie Mae Constantino Batencila
