ROXAS CITY – Ginpahayag sang tagpamaba sang Archdiocese sang Capiz nga ang pagpili sa bag-o nga Santo Papa isa ka produkto sang madalom nga pagpangamuyo kag pagpamalandong sa diin gingiyahan sang Espirito Santo.
Sa interview sang Bombo Radyo kay Rev. Fr. Emilio Arbatin, iya ginpahayag nga may ara sang luyag ang tawo apang ang luyag sang Ginoo ang dapat nga sundon.
Suno kay Arbatin nga indi sayang nga wala sang Pinoy nga napilian nga mangin Santo Papa bangud ang pag-elect kay Pope Leo XIV ang resulta sang grasya sang Diyos gani dapat nga batunon ini nga hantop sa tagipusuon.
Pahayag pa sini nga prebilihiyo sa pungsod nga may tatlo ka Pilipino nga cardinal nga nakaupod sa labing pinasahi nga proseso sa pagpiniliay sang Santo Papa.
Dugang pa ni Arbatin nga malipayon ang bug-os nga Simbahang Katoliko sa pag-elect kay Pope Leo XIV.
