VATICAN – Nagsugod na ang pagtililipon sang 133 ka mga cardinal gikan sa bug-os nga kalibutan agud magpili sang bag-o nga Santo Papa.
Antes ginhiwat ang conclave, ang tagsa sa ila nagkadto sa unahan agod ihambal ang panumpa sang pagkasekreto sa Sistine Chapel.
Istrikto nga ginhiwat ang conclave bangud wala sang may ginpahanugutan nga magdala sang cellphone kag camera agud himuon nga sagrado ang pagpili sa Santo Papa.
Sa maragtas sang Pilipinas, may tatlo ka mga Kardinal nga nagpasakop sa conclave, nga ginpangunahan ni Luis Antonio Tagle, ang pro-prefect sa Vatican’s Dicastery for Evangelization; Cardinal Jose Advincula sang Arkidiosesis sang Manila kag Kalookan kag Catholic Bishop Conference of the Philippines (CBCP) president Pablo Virgilio David.
Pagkatapos sang pagbasa sang ila mga panumpa sang sekreto, ginpahalin ni Arsobispo Diego Giovanni Ravelli, Master of Papal Liturgical Celebrations, ang iban nga mga tawo kag ang mga kardinal lamang ang nabilin sa Sistine Chapel.
Ginsirado man ni Ravelli ang ganhaan sang Sistine Chapel sa diin ini ang ginabantayan sang mga Swiss Guards.
Madumduman nga may apat ka mga Cardinal nga ginapili nga mangin masunod nga Santo Papa kag sila amo sanday: Cardinal Peter Kodwo Appiah Turkson sang Ghana, Cardinal Pietro Parolin sang Italy, Cardinal Luis Antonio Gokim Tagle sang Pilipinas, Cardinal Fridolin Ambongo Besungu sang Congo, Cardinal Robertis Francis Francis the US Cardinal Zuppist sang Italy Si Cardinal Peter Erdo sang Hungary kag si Cardinal Pierbattista Pizzaballa sang Italya.
