Hugot nga ginsiling sang Malacañang sang Lunes nga indi makabig nga treason ang mga pahayag ni Senador Rodante Marcoleta nga kaangay nagasuporta sa pag-angkon sang China sa West Philippine Sea.
Suno kay Communications Undersecretary Claire Castro, isa sa nagapanguna nga elemento sang treason ang “actual state of war,” nga wala naman sa subong. Ginsambit man niya nga ang mga debate nga natabo sa Senado ang kabahin lamang sang obligasyon sang mga senador kag sakop sang freedom of expression.
Subong man, ginsigurado sang Palasyo nga nnagapabilin nga mapag-on si President Ferdinand Marcos Jr. sa pagbantay sang teritoryo kag interes sang Pilipinas sa West Philippine Sea, kag indi sini pag-i-surrender sa kun kay sin-o nga pangayaw nga may mga gahom.
Madumduman nga una na nga gin-kwestiyon ni Marcoleta kag sang pila ka mga miyembro sang oposisyon ang legalidad sang 2016 international arbitral ruling nga nagabasura sa “9-dash line” claim sang China sa West Philippine Sea, nga nagtuga sang kontrobersiya sa Senado.
