Ginkoronahan bilang Miss World Philippines 2024 ang pambato sang Baguio City nga si Krishnah Marie Gravidez.
Nangibabaw si Gravidez sa 32 nga mga kandidata sa coronation night nga ginpatigayon sa isa ka Mall sa Pasay City.
Magluwas sa nasambit nga titulo, nakuha man sini ang Best in Evening Gown, Best in Swimsuit, Miss Skin by Cathy Valencia, Miss Photogenic, Miss Hello Glow, Miss Procap kag Miss Dr. Leo awards.
Nakuha naman ni Jasmine Omay sang Tarlac ang Miss World Philippines 2024 1st Princess title; samtang Miss World Philippines 2024 2nd Princess si Sophia Bianca Santos sang Pampanga.
Ginkoronahan naman si Dia Maté sang Cavite bilang Miss Reina Hispano americana Filipinas 2024 samtang Miss Philippines Tourism 2024 ang pambato sang Batangas nga si Patricia Bianca Tapia.
Nakuha naman ni Nikki Buenafe sang Pangasinan ang Miss Multinational Philippines 2024 title kag Face of Beauty Philippines 2024 si Jeanne Isabelle Bilasano sang Bicol Region.
Samtang nangin host naman sang coronation night si Billy Crawford kaupod sanday Universal Woman 2024 Maria Gigante, Teejay Marquez kag Reina Hispanoamericana Filipinas 2021 Emmanuelle Vera.
Ginpasa sang anay Miss World Krystyna Pyszková sang Czechia ang korona nga Rays of Hope kay Krishnah samtang si Miss World Philippines 2022/2023 Gwendolyne Fourniol ginpasa ang sash.
