ROXAS CITY – Halos indi pa mabaton sang pamilya Agupitan nga isa ang ila himata nga si Patrolman Rex Agupitan sa apat ka mga pulis nga napatay sang mahulog sa pil-as ang trak nga sakay sang mga ini sa Alimodian, Iloilo.
Ini ang ginpahayag ni Mr. Regine Agupitan sang ma-interview sang Bombo Radyo Roxas.
Suno kay Regine nga ginhaya sang lima ka adlaw si late Agupitan sa Barangay Ilas, Dao bangud diri ini nagtinir sumugod sang siya ang nakapangasawa kag may yara na sang pamilya.
Apang sila nga mag-ulutod ang nagdako sa banwa sang Panay.
Ila nadesisyunan nga ilubong ang utod sa syudad sang Roxas bangud makumpleto lamang sila nga mag-utod sa kada Nobyembre 1 sa lulubgan sang ila ginikanan sa Mt. Zion Memorial Park, Barangay Banica Roxas City.
Natalana nga igadul-ong sa iya katapusan nga palahuwayan bwas nga adlaw, Marso 11, si late Agupitan kun sa diin pagamisahan ini alas 9 sa aga.
Ginkumpirma man ni Regine nga tatlo na ka bulan nga nagabusong ang asawa ni late Agupitan sa ila pangaduha nga anak.
