Pasahero, ginhold-up kag ginbuno-patay sang driver nga iya ginsakyan

Ginbawian gid sang kabuhi ang isa ka pasahero matapos ginhold-up kag ginbuno sang driver sang e-trike nga iya ginsakyan.

Suno sa report, natabo ang krimen sa Caloocan City.

Ang biktima amo si alyas “Angelica”, 33-anyos samtang ang suspek amo si alyas “Rodman”, 26-anyos.

Base sa imbestigasyon, nagdeklara sang holdup ang driver apang nagbato ang biktima gani ginbuno ini sang suspek.

Nakadalagan pa ang biktima agud magpangayo sang bulig apang natumba ini bangud sa naangkon nga pilas sa liog.

Nadakpan naman ang suspek matapos nga gintudlo ini sang isa ka testigo sa natabo.

Magapangatubang sa kaso nga Robbery Hold up kag Murder ang ang nasambit nga driver.