ROXAS CITY CAPIZ – Nagapabilin nga normal ang pasahero sa Culasi Port, kadungan sang nagahilapit nga Holiday Season.
Sa interview sang Bombo Radyo sa Deputy for Administration sang Culasi Coast Guard nga si Sr. Arnel Nisola, ginpahayag sini nga sa karun wala pa sang pagbag-o ukon indi pa mabug-at ang lakat sang mga pasahero apang nagalaum sila nga sa palaabuton nga week end posible magadamo ang magapauli sa Capiz.
Suno kay Nisola, nagapabilin man nga normal ang operasyon sang mga barko.
Sa pihak sang malain nga tyempo dala sang Low Pressure Area, ginpasiguro sang ahensya nga yara ang ila presensya kag luwas nga makabyahe ang mga nagaguha kag nagasulod sa probinsya.
Pananglitan suno diri nga may yara sang igapaguha nga Tropical Cyclone Wind Signal ang PAGASA, hugot man sini nila nga ginadumilian nga magbyahe ang tanan nga mga passenger vessels tubtob mangin maayo ang lakat sang panahon.
