-- ADVERTISEMENT --
ROXAS CITY – Nasunog ang isa ka payag sa Purok 3, Barangay Libas, Roxas City takna alas 4:30 sa hapon.
Ini ang ginapanag-iyahan ni Delia Mañale.
Sa inisyal nga impormasyon nga nakuha sang Bombo Radyo, nakit-an lamang sang kasilingan nga nasunog na ang payag kag madasig naman ginbululigan agud mapalong ang kalayo.
Sandig sa imbestigasyon sang Roxas City Fire Station, ginabulubanta nga naglab-ot sa kapin P2,000 ang nangin kahalitan sang sunog kag ginalantaw nga posible electric wiring ang gintunaan sang kalayo.
