Serye sang ginaalegar kinawatay sa pila ka mga puluy-an sa Barangay Malocloc Sur, Ivisan, Capiz, wala sang rekord sa barangay.
Sa interview sang Bombo Radyo kay Punong Barangay Allan de Los Santos sang Barangay Malocloc Sur, wala sang may nagpalab-ot kag wala nakabaton sang report sa ila barangay natuhoy sa mga kinawatay sa nasambit nga barangay.
Dugang pa sini, wala man nagpabalhag ang ginapahayag mga biktima sa Ivisan MPS angut sa nasambit nga insidente.
Matandaan nga ginapahayag nataban sang kawatan wala matumod nga kawatan ang duha ka mga cellphones kag coins sa nasambit nga mga puluy-an.
Panugyan ni PB de Los Santos sa mga pumuluyo sini, kun may mga ginsulod indi magduha-duha kag magkahuya nga magtawag sang bulig sa barangay agud insigida nga ma-verify kag maaksyunan ang anuman nga insidente nga magluntad sa ila barangay.
