ROXAS CITY – Gin-athag ni Punong Barangay Herminia Dillo sang Barangay Tanque, Roxas City nga nagpatigayon sila sang public hearing angut sa pagpatindog sang cell site sa ila nga barangay sang DITO telecommunications company.
Suno kay Dillo nga sang Enero 11, sini nga tuig sang nagpatigayon sila sang public hearing natuhoy sa pagpatindog sang cell site kag ini ang gintambongan sang kapin 47 ka mga residente, engineers, katapo sang City Health Office, katapo sang Department of Health kag mga barangay officials.
Bangud sa pagdumdom ni Dillo nga wala na sang nagapamalabag sa amo nga plano, nagdihon sila sang isa ka resolusyon nga nagapahanugot sa pagpatukod sang amo nga cellsite.
Ginklaro man sini nga wala sang kamatuoran ang alegasyon sang mga residente ginhatagan sang nasambit nga telecommunications company sang CCTV camera ang barangay sa baylo sang pagsugod sang pagtukod nila sang cellsite.
Bangud diri, plano ni Dillo nga magpatigayon liwat sang public hearing agud pamatian ang mga residente nga nagapamalabag sa nasambit nga plano.
