Nagapanawagan si Presidente Ferdinand Marcos Jr sa mga botante nga Pilipino nga magpili sang mga lideres nga may integridad, may ikasarang, kag may pag-ulikid sa mga pumuluyo.
Gin-engganyo man sang Presidente ang tanan nga rehistrado nga botante nga gamiton ang ila kinamatarong sa pagboto.
Sa idalum sang Proclamation No. 878, gindeklarar ni Presidente Marcos ang Mayo 12, 2025, buwas nga Lunes, bilang isa ka pinasahi nga non-working holiday agud ang tanan nga rehistrado nga botante nga nagboto sa pungsodnon kag lokal nga eleksyon ang makapartisipar.
Gin-engganyo sang Presidente ang mga botante nga magpili sang isa ka kandidato nga may pag-ulikid, may ikasarang, kag may mabakod nga pangako bangud sa husto nga pagpili, ululupod naton nga tukuron ang isa ka Bag-o nga Pilipinas.
Ginpasalig ni PCO Secretary Jay Ruiz sa publiko nga hugot nga nagakoordinar ang nagkalain-lain nga ahensya sang gobyerno sa mga stakeholders agud masiguro nga ang 2025 midterm elections mangin tampad, matawhay, kag malinong.
Ginhatagan pagtamod ni Sec.Ruiz nga kinahanglanon ang credible elections sa pagtukod sang digitally empowered democracy kun sa diin ginasakdag ang transparency kag trust.
