Nagpanawagan si President Ferdinand Marcos Jr., sa mga Pinoy nga pabakuron ang paghiliusa kag pagtuo samtang ginadumdum ang Semana Santa ukon Holy Week.
Sa iya mensahe, gin-engganyo sang Presidente ang publiko nga maghatag sang tion para sa pagpahuway kag pagpamalandong, kag liwat nga pamatud-an ang ila kabalaka kag pagserbisyo sa isigkatawo.
Ginhatagan pagtamod man niya ang sakripisyo ni Hesukristo, nga suno sa iya isa ka pahanumdom nga ang matuod nga pagkadaku makita sa sakripisyo, indi sa gahum.
Gin-engganyo man ni President Marcos ang tagsa ka Pilipino nga magpabilin nga mabakod ang pagtuo, magbuligay sa tunga sang mga pagtilaw, kag maghugpong para sa mas mainuswagon kag maluluy-on nga “Bag-o nga Pilipinas.”
Gintapos sang Presidente ang iya message paagi sa paghandum sa tanan sang isa ka makahulugan kag bulahan nga Semana Santa.
