Nagpatigayon sang send-off ceremony ang Philippine Coast Guard (PCG) para sa BRP Teresa Magbanua bangud mangin kabahin ini sang ikaduha nga trilateral maritime exercises kaupod ang United States Coast Guard (USCG) kag Japan Coast Guard (JCG) sa kadagatan sang Kagoshima, Japan.
Kasunod sang direktiba ni Presidente Ferdinand Marcos Jr., labi pa nga pabaskugon sang PCG ang relasyon kag kolaborasyon sini sa US kag Japan Coast Guards pinaagi sa pagpartisipar sa joint exercises nga pagahiwaton sa Japan sa una nga tion.
Una diri, ginkilala sang PCG ang kontribusyon sang US kag Japan sa pagpabaskog sang ikasarang sang militar paagi sa pagpatuman sang mga programa sa pagpauswag.
Samtang, sa ikaduha nga ehersisyo, nakita sang PCG ang ila kooperasyon sa sini nga sahi sang hilikuton kag mas madalom pa nga diplomatiko nga relasyon sa iban pa nga mga katuwang sang coast guard.
Madumduman nga ang PCG-USCG-JCG maritime exercises una nga ginhiwat sa kadagatan sang Mariveles sa Bataan sang 2023.
