Nagsumite sang iya nga irrevocable resignation si Acting PCO Secretary Cesar Chavez.
Sa statement nga ginpaguha ni Chavez, nahibaluan nga February 5 pa sini nga ginsumite ang pagbiya.
Lakip sa ginpaguwa nga pahayag ni Chavez amo nga nagabiya ini nga may paghinulsol bangud sa iya pamatyag wala niya lubos nga natuman ang ginalauman sa iya.
Sa pihak sini, ginlaragway ni Chavez nga ang tagsa ka adlaw sang iya serbisyo ginakabig niya nga iya na katapusan nga adlaw, nga nagakahulugan nga ginhatag niya ang kutob sa iya makaya.
Kaangot sini, daku gid ang pagpasalamat ni Chavez kay Presidente Ferdinand R. Marcos Jr. para sa oportunidad kag kahigayunan nga mag-alagad sa iya Administrasyon subong man sa pagsalig kag kumpiyansa nga ginhatag sa iya.
Pahayag ni Chavez nga magapabilin siya tubtob Pebrero 28 sa PCO ukon mahimu nga mas mapatemprano pa kag ini ang kahigayunan nga makakuha na ang malakanyang sa iya kabaylo sa PCO.
Pagsiguro ni Chavez magapabilin siya bilang isa ka tagasuporta sang administrasyong Marcos kag padayon nga suportahan ang handum sini samtang ginapangita ang bag-o nga kapalaran sa guha sang gobyerno apang magapabilin sa gihapon siya sa patag sang serbisyo publiko.
