Padayon ang Philippine Drug Enforcement Agency (PDEA) Capiz sa pagpasangkad sang ila kampanya kontra illegal nga droga sa probinsya, ilabi na sa mga lugar nga ginatamnan sang mga illegal nga aktibidad.
Sa interview sang Bombo Radyo kay Mr. Jury Rocamora, Provincial Officer sang PDEA-Capiz, ang ila mga operasyon kag mga drug tests, pareho sang ginpatigayon nga “Oplan Harabas,” magapadayon para mapunggan ang paglapta sang mga iligal nga droga sa mga komunidad.
Suno kay Rocamora, ginatutukan gid nila ang Barangay Punta Tabuc, Roxas City, kon sa diin madamu sang nagapatigayon ang illegal nga aktibidad.
Dugang pa niya, padayon gid sila nagakoordinar sa mga kapulisan, lokal nga mga gobyerno, kag mga komunidad para maghimo sang mas madalom nga kampanya batok sa mga nagatuga sang dako nga problema sa seguridad, kag kaluwasan sang publiko.
Ginpasiguro sang PDEA-Capiz nga magapadayon ang ila mga operasyon sa pagtutok sa mga drug dens, mga drug personalities, kag mga aktibidad nga nagatuga sang peligro sa mga pumuluyo.
Bilang kabahin sang ila plano, plano man sang PDEA-Capiz ang pagpadayon sa mga information drive, community engagement, kag collaboration sa mga kapulisan kag iba pang mga ahensya agud masiguro nga malab-ot ang positibo nga resulta sa pagtapna sang illegal nga droga sa Capiz.
