Ginkabig ni Partido Demokratiko Pilipino Lakas ng Bayan ukon PDP-LABAN National Spokesperson Atty Ferdinand Topacio nga ‘scripted’ ang imbestigasyon sang National Bureau of Investigation sa mga Dutertes.
Bilang spokesperson sang partido, iya ginpahayag nga nagapati siya nga ‘choreographed’ ukon planado ang ginapatigayon nga imbestigasyon sang nasambit nga bureau.
Ginpanindugan ni Atty. Topacio, nga ini ang kabahin sang ‘pattern’ sang pressure kay Vice President Sara Duterte kadungan nga nagapangatubang man ini sang ‘impeachment trial’ sa Senado.
Gani suno sa iya, wala na sila nagakatingala kun ngaa gina-imbestigaran sang National Bureau of Investigation ang mga Duterte.
Matandaan nga una nga ginpamatukan ni NBI Director Atty Melvin Matibag ang alegasyon nga ‘trial by publicity’ ang ila imbestigasyon.
Hugot niya nga ginpahayag nga ang natukiban sa gina-alegar ‘misdeclared’ nga propyedad ni Vice President Duterte ang base sa mga ebidensya kag mga dokumento nga yara sa kamot nga ginpalab-ot na sa Office of the Ombudsman.
