PDRRMO, ginkompirmar nga may magaabot pa nga dugang nga LSI’s sa Capiz sa masunod nga inadlaw

ROXAS CITY-Ginkompirmar sang Provincial Disaster Risk Reduction and Management Office ukon PDRRMO nga may pila ka mga Locally Stranded Individuals nga natalana nga magapauli sa probinsiya sang Capiz.

Ini ang ginkompirmar ni PDRRMO-Head Judy Grace Pelaez sang mainterview sang Bombo Radyo.

Suno kay Pelaez nga tatlo ka mga sweeper flights ang pagasakyan sang kapin 150 ka mga LSIs nga natalana nga magapauli sa probinsiya sa madasun nga mga inadlaw.

Apang indi pa gid matul-id ni Pelaez ang kumpirmado nga numero sang magapauli bangud padayon pa ini nga ginahitso sang talatapan.

Samtang naglab-ut na sa 2,526 ka mga Locally Stranded Individuals ang nakatigayon na nga makapauli sa probinsiya.