ROXAS CITY – Nakalinyada ang madamo nga aktibidad nga patigayunon sang mga katapo sang Panublion Museum in partnership with Roxas City government kadungan sa pagselebrar sang national art’s month subong nga Pebrero.
Ini ang ginpahayag ni Ms. Cheryl Del Rosario, director sang Panublion Museum, sang mainterview sang Bombo Radyo.
Suno diri, kadungan sa pormal nga pagbukas sang Paseo del Rio kag Casa de Mercado, ginplastar man diri ang nanari-sari nga aktibidad sa bulan sang sining.
May yara sang apat ka adlaw, sumugod sang Pebrero 11 tubtob Pebrero 15 kun sa diin nanari-sari nga aktibidad sa amu nga lugar, kaangay nalang sang dance performances sang mga local artists, art exhibits, acoustic bands, zumba kag iban pa.
Ginkalipay man ni Del Rosario ang inisyatibo sang Roxas City government sa amu nga venue kun sa diin ma-showcase sang mga local artists ang ila talento.
Samtang, sa Pebrero 15, ginadumdom man ang kaadlawan sang Capizeña nga ginkilala bilang National artist for music sa pagkatawo ni Jovita Fuentes, gani may pagahiwaton man nga aktibidad ang Panublion Museum para diri.
