Gindumdom sang Philippine Navy ang makasaysayan nga mga misyon nga na-eksperyensiyahan na sang BRP Miguel Malvar antes gingamit bilang maritime strike target para sa nagapadayon nga Balikatan Exercises.
Suno kay Navy Spokesperson Capt John Percie Alcos, madamo sang maragtas sa likod sini sang World War II nga warship nga wala pa mahibaluan sang publiko.
Suno sa iya, ini nga barko de guerra nakaproduce sang masobra 20 ka mga flag officers, lakip na ang pila ka mga commandants sang Philippine Coast Guard (PCG).
Dugang pa nga ginpaathag ni Alcos nga isa ka simbolismo ang paggamit sang BRP Miguel Malvar bilang target sang maritime strike sa Balikatan Exercises.
Ginsiling sini nga ang paggamit sang barko para sa Balikatan nagasimbolo sang bag-o nga pahina kag pagsugod para sa PH Navy.
Ini suno sa iya ang panibag-o nga pagsugod sang mas moderno kag masaligan nga Philippine Navy.
Samtang, dapat tandaan nga ang BRP Miguel Malvar ang isa sa mga ulihi nga warship sang panahon sang World War II kag gin-decommission sang 2021.
Ini pagabuslan sang FFG-06 bilang bag-o nga BRP Miguel Malvar nga mas moderno kag mas ginpabakod para sa mga pagpanglakaton nga pagahimuon sini upod sa convoy.
