Gin-athag sang Philippine Health Insurance Corporation (PhilHealth) nga indi ini nalugi ukon nagapalapit sa pagka-bankrupt sa pihak sang kakulangan sang subsidiya halin sa gobyerno subong nga tuig.
Ginsiguro ni Edwin Mercado, PhilHealth President and Chief Executive Officer sa isa ka hearing sang House Committee on Health nga nagapabilin nga mapag-on ang poondo sang ahensya, kag iya ini ginapasalamat sa natipon nga income sang tinalikdan nga mga tuig.
Suno sa iya, nagalaom sila nga madugangan pa ang pondo agud mas mapaayo ang serbisyo sa mga myembro kag masiguro ang padayon nga paghatag sang benepisyo sa idalom sang universal health care program.
Sa pihak sang pagpanghangkat, ginsiguro sang PhilHealth nga magapadayon ini sa pagpangita sang mga pamaagi agud mapaayo ang koleksyon kag mapalapad ang sakop sang serbisyo para sa tanan nga Pilipino.
