ROXAS CITY – Ginpahanumdum karon sang hepe sang PhilHealth Capiz branch ang mga member beneficiaries nga personal nga magpadulong sa ila talatapan, kun may yara sila sang inquiry, reklamo ukon complaint angut sa ila payment contribution.
Ginpahayag ni Mr. Joe Frederick Diaz nga mas madali ma-aksyunan sang ahensiya kun mismo ma-detalye sang mga member-beneficiaries ang ila reklamo angut sa delayed nga pagremit sang ila mga employers sang ila kontribusyon.
Kun napaslawan ang employer nga ma-remit ang kontribusyon sang ila mga empleyado, mahimo nga makasumiter sang complaint ang natungdan nga miyembro sang PhilHealth, agud ila ini ma-endorso sa legal department sang talatapan kag gilayon nga ma-aksyunan.
Ginapanindugan ni Diaz nga dapat i-remit sang employer ang nangin kontribusyon sang ila mga empleyado matapos nila ini nga mabuhinan tagsa ka bulan, agud ma-avail sang mga member-beneficiaries ang benepisyo nga ginahatag sang ahensiya.
Samtang ginpasiguro sang opisyal nga may penalidad nga nagahulat sa mga employer nga delayed sa pagremit sang kontribusyon sang ila mga miyembro.
