Gina-enganyo sang Philippine Coast Guard-Capiz ang publiko nga mag-upod sa Dugong Bombo 2026: A Little Pain, A Life to Gain, nga pagahiwaton sa Nobyembre 14, 2026.
Ang bloodletting activity pagahiwaton sa nagkalain-lain nga lugar sa bug-os nga pungsod.
Sa Capiz, patigayunon ini sa SM City Roxas, Arnaldo Boulevard, Barangay Baybay, Roxas City.
Sa interview sang Bombo Radyo kay Senior Chief Petty Officer Arnel Nisola, Chief Master at Arms sang Philippine Coast Guard-Capiz, iya ginpahayag nga importante ang pagdonar sang dugo agud makabulig sa mga tawo nga nagakinahanglan sini.
Suno kay Nisola, kada tuig sila nga nagasuporta kag nagaupod sa Dugong Bombo.
Nagalaom man siya nga madamo nga ahensya sang gobyerno ang mag-upod sa amo nga aktibidad agud mas madamo pa ang mabuligan paagi sa pagdonar sang dugo.
