Ginganyat sang Philippine Men’s National Football Team ang mga pumuluyo nga suportahan sila sa ila hampang batok sa Thailand.
Ang ila hampang batok sa Thailand ang pagahiwaton subong nga gab-i sa Rizal Memorial Stadium bilang kabahin sang semifinals sang ASEAN Mitsubishi Electric Cup.
Ang hampang ang mangin two-leg format kun sa diin ang hampang una nga hiwaton sa pungsod kag sa Disyembre 30, magabiyahe ang Pilipinas padulong sa Thailand.
Target sang Pilipinas nga gub-on ang Thailand paagi sa kapierdihan nga may 4-0 nga bentaha sa Group A.
Ginpahayag ni Philippine football headcoach Albert Capellas nga himuon nila ang tanan agud magdaug sa hampang.
Sa pagkamatuod, nagsiling siya nga bisan nagaulan sa adlaw sang christmas, wala gihapon sila mag-untat sa paghanas.
Ginhatagan sini sang importansya nga ang isa ka team indi makadaug nga nagaisahanon gani importante ang pagbinuligay.
Bangod sa maragtas sang football, wala pa mapiyerde sang Pilipinas ang Thailand, kon matabo ini mangin isa ka maragtas nga dapat binagbinagon.
