Ginpangabay sang Philippine Rice Research Institute (PhilRice) sa mga mangunguma nga maggamit sang drone technology agud mapataas ang ila nga produksyon kag mapababa ang production cost.
Ini ang kadungan sa paglunsyar sang nasambit nga ahensya sang “Drones4Rice” project nga nagatuyo nga magtukod sang standard protocol sa paggamit sang drone technology para sa pagtanom sang mga binhi, pag-abono kag mga pestisidyo sa produksyon sang humay sa pungsod.
Suno kay Dr. Jasper Tallada, ang paggamit sang drone sa pagpanguma sang humay ang mahimo makapagpabag-o sa produksyon sini.
Pahayag sang opisyal, gamit ang nasambit nga drone ang mas madasig kag mas madali gamiton sa pagtanom ukon pagbutang sang mga abono.
Dugang pa ni Tallada, ang labor cost amo ang posible nga maganubo sang tubtob 50% samtang limitado lamang ang pagtanom sa isa ka ektarya sang talamnan sa 20 minutos ikomparar sa tunga nga adlaw ukon bilog nga adlaw nga gamit ang tradisyunal nga pamaagi.
Ang paggamit sang drone sa mga talamnan ang kalakip sa ginpaguha sang direktiba sang Department of Agriculture (DA) nga may kaangtanan sa una nga gin-aprubahan nga P22.903-billion financial assistance nga igahatag sa mga mangunguma pamaagi sa mga abono.
Ang Drones4Rice project, ang proyekto sang DA-Bureau of Agricultural Research nga may paglaum nga makaganyat sa mga pamatan-on nga sudlon ang sektor sang agrikultura.
