Padayon sa gihapon ang pag-alburuto sang Bulkang Kanlaon sa Negros Island sa sulod sang 24 oras.
Suno sa pinaka-ulihi nga monitoring sang Philippine Institute of Volcanology and Seismology, naglab-ot sa 22 ka volcanic earthquakes ang napagkit sang ila monitoring stations sa sulod sang 24 oras.
Kalakip na diri ang tatlo ka volcanic tremors nga nagdugay sa tunga sang walo tubtob 31 ka minuto.
Napagkit man sang ahensya ang tatlo ka ash emissions nga nagdugay sang lima tubtob 44 ka minuto.
Nagalab-ot na man sa 4,222 tons sang Sulfur dioxide flux ang ginbuha sang bulkan nga may yara sang taas nga 900 meters samtang padayon sa gihapon ang pag-alburoto sang baba sini.
Ginabawal man ang pagsulod sa 6-kilometer danger zone kag pagpalupad sang anuman nga sahi sang eroplano sa baba sang bulkan.
