Padayon nga positibo sa paralytic shellfish poison (PSP) ukon toxic red tide nga nagsobra sa regulatory limit ang pila ka coastal waters sa pungsod.
Sa Shellfish Bulletin No. 13, Series of 2024 sang Bureau of Fisheries and Aquatic Resources (BFAR) nga napetsahan sadtong Hunyo 29, 2024.
Ang mga apektado nga lugar, ang coastal waters sang Dauis kag Tagbilaran City sa Bohol; Dumanquillas Bay sa Zamboanga del Sur; kag coastal waters sang San Benito sa Surigao del Norte.
Positibo man sa PSP, ang Honda Bay sa Puerto Princesa City sa Palawan.
Ang tanan nga sahi sang shellfish kag alamang nga nagikan sa mga nasambit nga lugar ang indi safe kaunon.
Suno sa BFAR, “Fish, squids, shrimps, and crabs are SAFE for human consumption provided that they are fresh and washed thoroughly, and internal organs such as gills and intestines are removed before cooking”.
