Wala na nakabyahe ang pila ka mga jeep sa Capiz bangud sa padayon nga pagsaka sang presyo sang gatong.
Sa interview sang Bombo Radyo kay Joebert Carandang, chairman sang Pinagkaisang Samahan ng mga Tsuper at Operator Nationwide-Capiz, iya ginpahayag nga madamo na sa mga driver ang nag-untat sa pagbyahe bangud halos wala na sila sang may ginapauli nga kita sa kada adlaw.
Suno kay Carandang, bangud sa padayon nga pagsaka sang gatong, apektado ang transport sector sa probinsya kag pati man ang ekonomiya, bangud ini ang isa sa mga nagasuporta sa adlaw-adlaw nga pangabuhi sang publiko.
Nagapanawagan man ini sa gobyerno nga dasigon ang paghatag sang fuel subsidy kag kun mahimo indi lamang one-time, kundi padayon nga bulig para sa mga driver kag operator.
