Nagpasakop na ang Pila ka mga kandidato sa posisyon sang Associate Justice sang Korte Suprema sa pagsugod sang public interview sang Judicial and Bar Council.
Una nga nagpakita sa in-depth interview sang Judicial and Bar Council (JBC) amo si Justice Nina G. Antonio-Valenzuela.
Isa sia sa mga aplikante nga may eksperyensya bilang Associate Justice sang Court of Appeals sa sulod sang kinse (15) ka tuig samtang ang iya judicial background nagalab-ot sa tatlo (3) ka dekada.
Ginpamangkot sia sang katapo sang mga panelista ukon JBC nga sanday Justice Erlinda P. Uy, Atty. Nesauro H. Firme, Former Justice Jose Catral Mendoza.
Samtang, lakip sa mga nagkwestyon ukon nag-imbestigar sa mga kandidato sa Supreme Court Associate Justice amo ang Secretary sang Department of Justice nga si Sec. Jesus Crispin Remulla.
Sa ila interbyu sa una nga aplikante nga si Justice Nina Antonio-Valenzuela, makapila ka beses nga ginsambit ang nagkalain-lain nga sahi sang legal nga remedyo nga mahimo pangayuon sang isa ka indibidwal.
Masunod nga ginsumpaan amo si Associate Justice Ramon M. Bato Jr nga sa karon naga-atubang sa nasambit nga mga katapo sang Judicial and Bar Council (JBC).
Natalana nga i-interview sang JBC ang pila pa ka mga kandidato nga naga-apply sa posisyon bilang Associate Justice sang Korte Suprema sa masunod nga mga inadlaw.
Ginpatigayon ang public interview agud batunon ang mga aplikante nga magabulos kay Vice Associate Justice Mario V. Lopez sa posisyon nga iya pagabayaan.
Mangin bakante ang iya posisyon kasunod sang iya natalana nga ‘compulsory retirement’ sa masunod nga bulan, Hunyo 4, 2025.
