Pilipinas, gin-lift na ang poultry import ban sa anum ka mga pungsod

Gin-anunsyo sang Department of Agriculture nga gin-lift na ang poultry ban sa anum ka mga pungsod nga naapektuhan sang avian influenza outbreaks.

Ginpahayag sang ahensya nga ginpirmahan na ni DA Secretary Francisco Tiu Laurel Jr. ang pila ka mga memorandum orders sa resumption sang pag-import sang live birds – domestic kag wild nagikan sa Azerbaijan, Kazakhstan, Malaysia (sa Kelantan kag Sabah), Saudi Arabia, Slovenia, kag Sweden.

Sandig sa advisory, tanan nga reported cases ang nasolbar na nga wala sang bag-o nga outbreaks rason nga nahisugtan sang gobyerno nga buksan na ang borders para sa poultry shipments.