Gin-anunsyo ni President Ferdinand Marcos Jr. nga madinalag-on nga nakuha sang pungsod ang natural gas halin sa Camago-3 well sa Malampaya gas fields sa Palawan.
Ang proyekto kabahin sang $893-million nga kapital sang negosyante nga si Enrique Razon kag sang iya mga kaupod.
Una na nga natukiban ang gas sa Malampaya East 1, ang pinakauna nga natukiban sa sulod sang masobra isa ka dekada.
Suno sa Presidente, ang Camago-3 well ang makaproduce sang tubtob 60 million standard cubic feet sang gas kada adlaw.
Ginabulubanta nga 2.5 beses ang mas madamo nga gas ang makuha diri kon ipaanggid sa Malampaya East 1.
Dugang pa sini nga mas barato ang kuryente gikan sa Malampaya gas sa ₱4.80 kada kilowatt hour, kon ipaanggid sa imported liquefied natural gas nga nagalab-ot sa ₱10.30.
Target sang gobyerno ang una nga delivery sang gas sa ika-apat nga quarter sang 2026.
Ginsambit man sang Presidente ang masunod nga proyekto, amo ang Bagong Pag-asa well nga nahamtang 30 kilometers sa Northern part sang Malampaya.
Ilabi na nga importante suno sa iya ang ini nga bag-o nga nga natukiban sa tunga sang krisis sa enerhiya tuga sang giyera sa Middle East, sa diin nagtaas ang presyo sang langis kag nagdeklara sang state of national energy emergency ang Pilipinas.
